Ní chaithfidh. Is modúl breise é an modúl seo.  

Ní féidir. Is modúl breise é seo. Níl sé ar an liosta de mhodúil roghnacha.  

Caithfidh tú ar a laghad dhá mhí (9 seachtaine) a chaitheamh i do chónaí sa Ghaeltacht. 

Caithfidh tú an t-am a chaitheamh sa Ghaeltacht am éigin idir mí na Bealtaine agus mí Mheán Fómhair, idir deireadh scrúduithe bhliain a dó agus tús bhliain a trí. 

Níl aon bhaint ag an modúl seo le hINTRA / Erasmus. Ní bheidh tú in ann tosú ar INTRA / Erasmus go dtí go mbeidh an dá mhí caite agat sa Ghaeltacht. 

 Is féidir leat an dá mhí a roinnt amach in dhá thréimhse sa samhradh céanna. 

Ní féidir.  

Beidh ort jab a fháil duit féin le go mbeidh tú in ann aithne a chur ar phobal na Gaeltachta agus Gaeilge a labhairt go laethúil. 

Teastaíonn ón gComhairle Mhúinteoireachta go mbeadh múinteoirí atá líofa, agus cruinn sa Ghaeilge, agus atá ar a gcompord ag labhairt go nádúrtha, agus a thuigeann saol na Gaeltachta ag múineadh Gaeilge mhaith do mhic léinn meánleibhéil. Bíonn ar mhúinteoirí bunscoile seal a chaitheamh sa Ghaeltacht freisin. Bíonn ar mhúinteoirí Gearmáinise agus teangacha iasachta eile an tréimhse chéanna a chaitheamh i dtír ina labhraítear na teangacha sin. Tá na rialacha do na teangacha ar fad a mhúintear ag an dara leibhéal mar an gcéanna. 

An príomhrud ná go mbeifeá in ann Gaeilge a labhairt gach lá le daoine a bhfuil Gaeilge mhaith acu. Ní leor a bheith ag obair i siopa do thurasóirí mura bhfuil tusa in ann do chuid Gaeilge a fheabhsú. D’fhéadfá dul ag obair le Coláiste Samhraidh mar chinnire nó i ról éigin eile. Ba cheart duit machnamh a dhéanamh ar na scileanna atá agat (ceol, spórt, céad cabhair, seoltóireacht, drámaíocht, peil, snámh, dearadh suímh gréasáin, cúram leanaí &rl) agus post a lorg áit ina mbeadh na scileanna sin úsáideach don fhostóir. D’fhéadfá obair dheonach a dhéanamh mar chúntóir scoile nó in eagraíocht dheonach.  

Beidh ort lóistín a lorg duit féin. Beidh d’fhostóir in ann cabhair éigin a thabhairt duit. 

 Is dócha go mbeidh; agus beidh d’fhostóir in ann cabhrú leat leis sin. 

 Beidh ort cuntas beatha a ullmhú i seimeastar a haon agus tosú ar jab a lorg a luaithe ina dhiaidh sin agus is féidir leat. Tógann sé tamall jab a fháil. 

Beidh tú in ann díchlárú ón modúl faoi rialacha na hollscoile. Tá breis eolais faoi dhíchlárú ar fáil ón gClárlann, faoin mír dar teideal Registration FAQs. Tabhair faoi deara go mb’fhéidir go mbeadh ort pionós airgid a íoc. 

Beidh tú in ann clárú don mhodúl faoi rialacha na hollscoile don chlárú déanach. Tá breis eolais faoi sin ar fáil ón gClárlann, faoin mír dar teideal Registration FAQs. Tabhair faoi deara go mb’fhéidir go mbeadh ort pionós airgid a íoc. 

 Ní féidir. Is fútsa atá sé jab a fháil. Cabhróidh Fiontar agus Scoil na Gaeilge leat ach is fútsa atá sé jab a fháil. 

Beidh ort an dá mhí a chaitheamh sa Ghaeltacht agus an bealach is fearr le haithne a chur ar dhaoine agus le Gaeilge a chleachtadh ná jab a bheith agat. D’fhéadfá jab deonach a fháil. Príomhaidhm an mhodúil ná feabhas a chur ar do Ghaeilge labhartha agus scríofa, agus aithne a chur ar an nGaeltacht. 

Déan do mhachnamh mar gheall ar an gcanúint is fearr leat agus dírigh ar an gceantar sin. Caithfidh tú an tréimhse a chaitheamh i nGaeltacht láidir, ceantar ina bhfuil an Ghaeilge ina teanga pobail ag mórchuid den phobal. Mar shampla, tá an Ghaeilge i bhfad níos láidre i Ros Muc ná mar atá i mBearna, cé go bhfuil an dá cheantar sa Ghaeltacht. Beidh an léachtóir in ann comhairle a chur ort. 

Tá an modúl ar fáil do gach mac léinn atá i mbliain a dó de chéim BA sa Ghaeilge in DCU. Ní gá duit a bheith ag díriú ar mhúinteoireacht mar ghairm. Go deimhin cabhróidh an modúl le gach mac léinn atá ag iarraidh feabhas a chur ar a c(h)uid Gaeilge. Beidh lánfháilte romhat! 

Beidh ort cúpla tasc scríofa a chur i gcrích. De ghnáth bíonn dhá phíosa oibre le déanamh - blag ina ndéanann tú machnamh mar gheall ar chúrsaí Gaeltachta agus mar gheall ort féin mar fhoghlaimeoir teanga, agus fillteán foghlama bunaithe ar chlár raidió nó teilifíse agus bunaithe ar leabhar. 

Déan teagmháil le hoifig Fiontar agus Scoil na Gaeilge.